सलमानच्या घराची रेकी करणार्‍या संशयितांना पोलीस कोठडी

 

 

मुंबई | सलमान खानच्या वांद्रे येथील घरावर दोन अज्ञात हल्लेखोरांनी रविवारी (१४ एप्रिल) पहाटे ५ वाजताच्या सुमारास

गोळीबार केला होता. या प्रकरणी मुंबई गुन्हे शाखेने मोठी कारवाई करत संशयितांना गुजरातमधून अटक केली होती. ४८ तासांच्या आत पोलिसांनी त्यांची ओळख पटवून त्यांना भुज येथून ताब्यात घेतलं.

 

यासंदर्भात आता मोठी अपडेट समोर आली आहे.मुंबई गुन्हे शाखेने अटक केलेल्या दोन्ही संशयितांना २५ एप्रिलपर्यंत पोलीस कोठडी ठोठावण्यात आली आहे. गुन्हे शाखेचे सह पोलीस आयुक्त लखमी गौतम यांनी पत्रकार परिषदघेऊन यासंदर्भात माहिती दिली.

 

सलमानच्या घराबाहेर या दोघांनी पाच फायर राऊंड केल्याचे त्यांनी सांगितले.आम्ही गुजरातमधील भुज जिल्ह्यातून विकी गुप्ता आणि सागर पाल या दोन संशयितांना अटक केली आहे. या दोघांनी सलमानच्या घराची तीन वेळा रेकी केली. विकी गुप्ता (२४) आणि सागर पाल (२१) हे दोघे बिहारचे रहिवासी असून, रविवारी पहाटे सलमान खानच्या घराबाहेर गोळीबार करून नंतर ते पसार झाले होते. गुजरातमधील कच्छ जिल्ह्यातील ‘माता नो मध’ गावातून सोमवारी रात्री उशिरा त्यांना अटक करण्यात आली.पोलिसांनी विकी गुप्ता आणि सागर पाल या अटकेतील दोघांना मंगळवारी मुंबईत आणून दंडाधिकारी न्यायालयात हजर करण्यात केले होते.