अलिबाग-रोहा रस्त्याच्या कामावरून शिवसेना, भाजपमध्ये श्रेयवाद

 

गुढी पाढव्याला या ठेकेदारांने प्रत्येक्ष कामाला सुरुवातदेखील केली. मात्र भाजप जिल्हा उपाध्यक्ष दिलीप  भोईर यांच्या फोटोने श्रेयवादाला सुरुवात केली आहे. दिलीप भोईर यांनी प्रत्यक्ष कामाच्या ठिकाणी भेट दिली. त्या छायाचित्राला कॅप्शन देताना हे काम भोईर यांनीच सुरु केल्याचे भासवले गेले. त्यामुळे शिवसेना नेते चांगलेच चवताळले आहेत. या कामाशी दिलीप भोईर यांचा कोणताही सबंध नसताना ते हिरोगिरी  करत श्रेय लाटण्याचा प्रयत्न करीत आहेत. अशा प्रकारचा चोराटी काम करणार्‍यांचा, खोटारडेपणा कदापि खपवून घेतला जाणार नाही, अशी कडक प्रतिक्रिया मानसी दळवी यांनी व्यक्त केली आहे. स्वत: निधी आणावा व श्रेय घ्यावे.

 

अलिबाग मुरुड मतदार संघात मोठया प्रमाणात विकास कामे सुरु आहेत. स्थानिक आमदार महेंद्र दळवी यांच्या विकास कामांचा झंझावात पाहता, काही राजकीय मंडळी  पाठपुरावा केल्याचे नाटक करुन श्रेय घेण्याचा प्रयत्न करीत आहेत. अशी प्रतिक्रीया राजा केणी यांनी व्यक्त केली आहे.

 

गुरुवारी जिल्हा परिषदेच्या माजी सदस्या मानसी दळवी, शिवसेनेचे जिल्हाप्रमुख राज केणी, ज्येष्ठ नेते अनंत गोंधळी यांच्या हस्ते या रस्त्याच्या कामाचे गुरुवार (दि. 23) रोजी पुन्हा भूमिपूजन करण्यात आले. यावेळी सार्वजनिक बांधकाम विभागाचे कनिष्ठ अभियंता प्रशांत ठिकरे उपस्थित होते. हे काम निर्धारित वेळेत आणि चांगल्या दर्जाचे होईल, अशी ग्वाही त्यांनी यावेळी दिली आहे.

 

दरम्यान, दिलीप भोईर यांच्याशी संपर्क साधण्याचा प्रयत्न केला असता, ते उपलब्ध होऊ शकले नाहीत. तर काम कोणीही करा, पण निट करा अशा प्रतिक्रिया अलिबागकरांकडून व्यक्त होत आहेत