चिंचोटी येथील मुलीवर तिन परप्रांतीयांकडून अतिप्रसंग करण्याचा प्रयत्न ;आराडाओरड ऐकूण ग्रामस्थांची धाव

अलिबाग तालुक्यातील चीचोटी गावात राहणारी पिडीत महिला ही रोज कामानिमित्त वावे येथे पायी येऊन जाऊन करीत होती. शुक्रवारी 17 मार्च रोजी नेहमीप्रमाणे पिडीतही आपले काम आटोपून घरी जाण्यास पायी निघाली होती. सायंकाळी साडे सात वाजण्याच्या सुमारास ती चींचोटी गावाच्या हद्दीत पोहचली. त्याचवेळी तिच्या पाळतीवर असणार्‍या तीन जणांनी काळोखाचा फायदा घेत, तिला उचलून बाजूच्या खेळाच्या मैदानाजवळ आड रानात नेवून तिच्यावर अतिप्रसंग करण्याचा प्रयत्न केला. यावेळी पिडीत ही बचावसाठी आरडाओरड करीत असल्याने तिचे तोंड दाबुन ठेवले. तसेच ओढणीने गळा दाबण्याचा प्रयत्न केला. या सर्व गडबडीमुळे सदर तरुणीचा आवाज काही ग्रामस्थांनी ऐकल्याने तिकडे धाव घेतली. त्यामुळे आरोपी पळून गेले. ग्रामस्थांना घटनास्थळी फक्त चप्पल आढळून आले. त्यावरुन शोधाशोध केली असता वावे जवळ एक इसम विना चप्पल आढळून आला. त्याला याबाबत विचारणा केल्यानंतर तो थातून मातूर उत्तरे देवू लागला. मात्र ग्रामस्थांनी चोप दिल्यानंतर तो कबूल आला.