अलिबाग येथील हत्येची उकलः चुलत भावानेच केली नथुराम रुपसिंगची हत्या; एकजण अटकेत

अलिबाग येथील युनियन बँकेसह अनेक इमारतींमध्ये सफाई कामगार म्हणून काम करणारा नथुराम रुपसिंग याची हत्या करण्यात आली होती. त्याचा मृतदेह पालव स्मशानभूमी येथे आढळून आला होता. यानंतर खळबळ उडाली होती.या हत्येचा तपास अलिबाग पोलीस करत असताना अनेक आर्थिक घडामोडी समोर आल्या. नथूराम याने निलेश पवार या नातेवाईकाला बँकेत नोकरी लावण्यासाठी त्याच्याकडून 1 लाख रुपये घेतले होते. त्याप्रमाणे कामदेखील मिळवून दिले. निलेश सफाई कामगार म्हणून बँकेत काम करु लागला. त्याला नथूराम 6 हजार रुपये पगार देत असे.