बोरघाटात रुग्णवाहिकेला आग, रुग्ण महिलेचा उपचाराविना मृत्यू

 

मुबंई- पुणे एक्सप्रेस वेवरून एक रुग्णवाहिका रुग्णाला घेऊन पुण्याकडे जात असताना, बोरघाटात ती अचानक बंद पडली. त्यामुळे त्यातील रुग्ण महिला व तिचे नातेवाईक गाडीतून खाली उतरले. तेवढ्यात रुग्णवाहिकेने पेट घेतला. या आगीत रुग्णवाहिकेचा मोठा स्फोट झाला.

 

स्फोटात कोणीही दगावला नसला तरी रुग्णवाहिकेतील रुग्ण महिलेला वेळेवर उपचार न मिळाल्याने तिचा मृत्यू झाला आहे. या अपघाताची माहिती मिळताच खोपोली पोलीस, बोरघाट पोलीस, अपघातग्रस्त टीमचे सदस्य, देवदूत यंत्रणा, अग्निशमन दल तात्काळ घटनास्थळी दाखल झाले. तसेच आगीवर नियंत्रण आणण्याचे प्रयत्न केले.