रायगड जिल्ह्यात तिन शिवसेनेचे, तर तिन नगरपंयातींमध्ये राष्ट्रवादीचे नगराध्यक्ष विराजमान

 

अलिबाग । रायगड जिल्ह्यात झालेल्या सहा नगर पंचायतीपैकी तिन नगरपंयातींमध्ये शिवसेनेचे नगराध्यक्ष विराजमान झाले तर राष्ट्रवादीचे तिन ठिकाणी नगराध्यक्ष विराजमान झाले आहेत. शेकाप, भाजप आणि काँग्रेसचे हात रिकामेच राहिले.

खालापूरमध्ये शिवसेनेच्या रोशनी मोडवे तर पोलादपुरात सेनेच्याच सोनाली गायकवाड बिनविरोध नगराध्यक्षपदी विराजमान झाल्या. पालीत राष्ट्रवादीच्या गीता पालरेचा तर तळ्यात राष्ट्रवादीच्याच अस्मिता भोरावकर याना नगराध्यक्षपदी विराजमान होण्याची संधी मिळाली.

 

 

म्हसळ्यात राष्ट्रवादी काँग्रेसचे असहल कादिरी हे नगराध्यक्ष पदाच्या निवडणुकीत विजयी झाले. सर्वांचे लक्ष लागून राहिलेल्या माणगाव नगराध्यक्षपदी शिवसेनेचे ज्ञानदेव पवार हे विराजमान झाले आहेत. उपनगराध्यक्ष पदाची निवडणूकदेखील आज पार पडली. ही निवड अडीच वर्षांसाठी असणार आहे. निकाल जाहीर झाल्यानंतर नवीन नागराध्यक्षांच्या समर्थकांनी एकच जल्लोष केला.

 

माणगाव येथील नवीन नगराध्यक्ष ज्ञानदेव पवार यांचे अभिनंदन करण्यासाठी उद्योगमंत्री सुभाष देसाई , आमदार भरत गोगावले हजर होते. नगर पंचायत निवडणुकीत शिवसेनेने भाजप बरोबर हात मिळवणी केली हा सुनील तटकरे यांचा आरोप सुभाष देसाई यांनी फेटाळून लावला. माणगाव मध्ये भाजपच्या कमळ चिन्हावर एकही उमेदवार निवडून आला नसल्याचे त्यांनी स्पष्ट केले.

 

नगराध्यक्ष -ज्ञानदेव पवार , शिवसेना

उपनगराध्यक्ष - सचिन बोंबले , शिवसेना आघाडी

नगराध्यक्ष - सोनाली गायकवाड, शिवसेना (बिनविरोध)

उपनगराध्यक्ष - नागेश पवार, शिवसेना

नगराध्यक्ष - रोशनी मोडवे , शिवसेना (बिनविरोध)

उपनगराध्यक्ष - राजेश पार्टे, राष्ट्रवादी

नगराध्यक्ष- असहल कादिरी , राष्ट्रवादी

उपनगराध्यक्ष - सुनील शेडगे, राष्ट्रवादी

नगराध्यक्ष - अस्मिता भोरावकर , राष्ट्रवादी (बिनविरोध)

उपनगराध्यक्ष - चंद्रकांत रोडे , राष्ट्रवादी

नगराध्यक्ष : गीता पालरेचा , राष्ट्रवादी (बिनविरोध)

उपनगराध्यक्ष : आरिफ मणियार , शेकाप