कर्जत | मध्य रेल्वेच्या मेन लाईनवरील महत्त्वाचे स्थानक असलेल्या कर्जत रेल्वे स्थानकात कोरोना काळात बंद करण्यात आलेले लांब पल्ल्याच्या एस्प्रेस गाड्यांचे थांबे पुन्हा सुरू करण्यासाठी खासदार सुनील तटकरे यांनी पुढाकार घेतला आहे. तसेच नेरळ रेल्वे स्थानक परिसरात प्रवाशांसाठी कायमस्वरूपी ‘पे अँड पार्क’ सुविधा उपलब्ध करून देण्याची मागणीही त्यांनी रेल्वे प्रशासनाकडे केली आहे.
रोहा | रोहा येथे प्रस्तावित आंतरराष्ट्रीय दर्जाच्या रेल्वे स्थानकाच्या भूमिपूजनाचा सोहळा मुख्यमंत्री देवेंद्र फडणवीस यांच्या हस्ते व्हावा, यासाठी राष्ट्रवादी काँग्रेसचे प्रदेशाध्यक्ष सुनील तटकरे यांनी मुख्यमंत्र्यांची भेट घेऊन त्यांना निमंत्रण दिले आहे. तसेच श्रीवर्धन येथील श्रीमंत बाजीराव पेशवे यांच्या स्मारकाच्या लोकार्पणासाठीही त्यांनी मुख्यमंत्र्यांना निमंत्रित केले.
कर्जत | कर्जत तालुक्यातील साई डोंगर परिसरात टोरंट कंपनीच्या प्रस्तावित हायड्रो प्रकल्पासाठी सुरू असलेल्या जंगलतोडीच्या पार्श्वभूीवर भाजपच्या आणखी एका पदाधिकार्‍याने पक्षाला सोडचिठ्ठी दिली आहे. भाजप युवा मोर्चाचे जिल्हा कोषाध्यक्ष मिनेश मसणे यांनी पक्षाच्या पदांसह प्राथमिक सदस्यत्वाचाही राजीनामा दिला आहे.
खोपोली | दिवाळीच्या सणाचा आनंदोत्सव सुरू असतानाच खोपोली शहरात एका धक्कादायक हत्येच्या घटनेने खळबळ उडाली आहे. कारमेल स्कूलजवळील भानवज परिसरातील इंद्रप्रस्थ इमारतीत एकट्याच राहणार्‍या ७० वर्षीय महेश्वरी रामचंद्रन (मूळ रा. केरळ) या वृद्ध महिलेची हात-पाय बांधून निर्घृण हत्या करण्यात आली.
महाड | महाड येथून बेपत्ता झालेले ग्रामसेवक गजानन गाढवे यांचा मृतदेह दहिवड गावाजवळच्या जंगलात कुजलेल्या अवस्थेत आढळून आला. गाढवे यांच्या यांच्या भावाने अपहरण झाल्याचा संशय तक्रारीत व्यक्त केला होता. मात्र मृत्यूमागील नेमके कारण स्पष्ट झालेले नाही. ग्रामसेवकांच्या अशाप्रकारे मृत्यूने महाड तालुक्यात खळखळ उडाली आहे.
अलिबाग | रायगड जिल्ह्याच्या विकासासाठी उद्योग, प्रकल्प आणि धरणांची उभारणी होणे आवश्यक आहे. प्रकल्पांसाठी वृक्षतोड करावी लागली, तर त्यापेक्षा अधिक वृक्षलागवड करता येऊ शकते. मात्र, प्रत्येक प्रकल्पाला विरोध होत राहिला, तर उद्योग आणि रोजगाराच्या संधी अन्य राज्यांत जातील, अशी भूमिका पालकमंत्री भरत गोगावले यांनी मांडली आहे.
अलिबाग | दीपावली पाडव्याच्या मंगलमय पर्वावर अलिबागमधील छत्रपती श्री शिवाजी महाराज चौक आणि दर्यासारंग सरखेल कान्होजी आंग्रे यांच्या समाधीस्थळाचा परिसर तब्बल २ हजार ४०० दिव्यांच्या प्रकाशाने उजळून निघाला. स्वराज्याच्या इतिहासातील ज्ञातअज्ञात वीरांप्रति कृतज्ञता व्यक्त करत शिवराय आणि सरखेल कान्होजी आंग्रे यांना दीपोत्सवाच्या माध्यमातून अनोखी मानवंदना देण्यात आली.
मुरूड-जंजिरा | दिवाळीच्या सुट्टीचा आनंद लुटण्यासाठी मुरूड तालुक्यातील काशीद आणि मुरूड समुद्रकिनार्‍यांवर पर्यटकांची मोठी मांदियाळी जमली आहे. शनिवारी या दोन्ही समुद्रकिनार्‍यांवर पर्यटकांची मोठी गर्दी पाहायला मिळाली. पहिली आंघोळ आणि लक्ष्मीपूजनाचा विधी उरकल्यानंतर मुंबई, पुणे, ठाणे तसेच पश्चिम महाराष्ट्रातून हजारो पर्यटकांनी समुद्रकिनार्‍यांकडे धाव घेतली.
नवी मुंबई | केंद्रीय गृहनिर्माण आणि शहरी व्यवहार मंत्रालयाच्या वतीने स्वच्छ भारत मिशनअंतर्गत आयोजित ‘स्वच्छ सर्वेक्षण २०२५-२६’मध्ये नवी मुंबईने देशातील सर्वो त्कृष्ट स्वच्छ शहराचा प्रथम क्रमांक पटकावला आहे. नवी दिल्ली येथील विज्ञान भवनात आयोजित पुरस्कार वितरण समारंभात राष्ट्रपती द्रौपदी मुर्मू यांच्या हस्ते नवी मुंबईच्या महापौर सुजाता पाटील यांनी हा पुरस्कार स्वीकारला. यावेळी उपमहापौर दशरथ भगत, महापालिका आयुक्त डॉ. कैलास शिंदे आणि शहर अभियंता शिरीष आरदवाड उपस्थित होते.
कोर्लई | राष्ट्रीय रस्ते विकास महामंडळातर्फे साळाव-मुरुड रस्त्याच्या काँक्रिटीकरणाचे काम सुरू आहे. मात्र, नांदगाव येथील नागेेशर नगर ते आयुष हॉस्पिटलदरम्यान साईडपट्टी भराव करताना रस्त्यावर आलेली खडी-माती वाहनचालकांसाठी धोकादायक ठरत आहे.
माणगाव | अपुरा पाऊस, सप्टेंबर-ऑटोबर महिन्यांत पावसाने फिरवलेली पाठ आणि नोव्हेंबरमध्येही कायम असलेला उन्हाचा कडाका यामुळे माणगाव शहरातील जलस्रोतांवर ताण वाढू लागला आहे. काळ नदीच्या पाणीपातळीत मोठी घट झाल्याने आगामी काळात पाणीटंचाईचे संकट निर्माण होण्याची शयता आहे.
माणगाव | गेल्या अनेक दिवसांपासून पावसाने दडी मारल्याने वाढलेल्या उकाड्याने हैराण झालेल्या माणगाव तालुक्याला सोमवारी (१९ ऑक्टोबर) सायंकाळी परतीच्या पावसाने जोरदार तडाखा दिला. सायंकाळी पाचच्या सुमारास विजांच्या कडकडाटासह मुसळधार पाऊस झाल्याने काही काळ जनजीवनावर परिणाम झाला.
धाटाव | मुंबई-गोवा महामार्गावरील पुई गावाच्या हद्दीत इंडियन ऑइल पेट्रोल पंपासमोर टाटा कारने सायकलला पाठी मगून धडक दिल्याने सायकलस्वाराचा मृत्यू झाला. रवींद्र विठ्ठल मांजरे (वय ४८, रा. गोवे, ता. रोहा, जि. रायगड) असे मृत सायकलस्वाराचे नाव आहे.
श्रीवर्धन | दिवाळीच्या सुट्ट्यांचा आनंद लुटण्यासाठी कोकणात दाखल झालेल्या पर्यटकांमुळे श्रीवर्धन तालुका पर्यटकांनी गजबजून गेला आहे. श्रीवर्धन, हरिहरेेशर, आरावी आणि दिवेआगर येथील समुद्रकिनार्‍यांवर पर्यटकांची मोठी गर्दी पाहायला मिळत आहे.
श्रीवर्धन | श्रीवर्धन शहरातील दांडा परिसरातील समुद्रकिनार्‍यालगत असलेल्या स्मशानभूमीत कथित जादूटोण्याचा प्रकार उघडकीस आला आहे. या ठिकाणी अघोरी कृत्य करत असल्याचे निदर्शनास आल्यानंतर स्थानिक नागरिकांनी तीन पुरुष आणि दोन महिलांना रंगेहात पकडून पोलिसांच्या ताब्यात दिले.
म्हसळा | म्हसळा तालुक्यात दरवर्षी सरासरी चार ते साडेचार हजार मिलिमीटर पाऊस पडतो. मात्र, यंदाच्या खरीप हंगामात पावसाच्या लहरीपणामुळे शेतकरी मोठ्या संकटात सापडला आहे.
म्हसळा | म्हसळा नगरपंचायतीतील राजकीय घडामोडींना पुन्हा वेग आला असून, शिवसेना शिंदे गटाच्या उपनगराध्यक्षा कमल रविंद्र जाधव यांनी आपल्या पदाचा राजीनामा दिले आहे. नगराध्यक्ष सुनील शेडगे यांच्याकडे राजीनामा सादर केल्याचे समजते.
बेणसे । “किती छान दिसते फुलपाखरू...” बालपणीची ही कविता आठवली की डोळ्यांसमोर अलगद फुलांवर बागडणार्‍या फुलपाखरांचे चित्र उभे राहते. निसर्गाच्या या छोट्याशा कलाकारांची दुनिया पाहताना मनही आनंदाने फुलून जाते. रायगड जिल्ह्यात सध्या अशाच रंगीबेरंगी फुलपाखरांची मुक्त उधळण पाहायला मिळत आहे.
पेण | पेणच्या सामाजिक आणि व्यापारी इतिहासाशी जोडलेल्या ब्रिटिशकालीन ‘भुंडा पुला’च्या जागी तरणखोप-पेण मार्गावरील भोगावती नदीवर उभारण्यात आलेल्या सुमारे १०० मीटर लांबीच्या आधुनिक पुलाच्या कामाची राज्यस्तरावर दखल घेण्यात आली आहे.
पनवेल । रायगड जिल्हा परिषदेच्या गव्हाण आणि वडघर या दोन गटांतील 19 गावांचा पनवेल महानगरपालिका हद्दीत समावेश करण्याच्या प्रस्तावावरून मंगळवारी महापालिकेच्या विशेष सर्वसाधारण सभेत जोरदार गदारोळ झाला.
पनवेल | पनवेल महानगरपालिका हद्दीतील खारघर, तळोजा, कामोठे, कळंबोली, नवीन पनवेल, नावडे आणि काळुंद्रे या विकसित नोडमधील पाणीपुरवठा व्यवस्थेच्या हस्तांतरणाचा प्रश्न अद्यापही अनिर्णित आहे. सिडकोने ३१ मार्चपर्यंत पाणीपुरवठा व्यवस्था महापालिकेकडे हस्तांतरित करण्याची मुदत दिली होती.
वाघोशी । पाली शहरातील प्रलंबित नागरी समस्या आणि प्रस्तावित घरपट्टी करवाढीविरोधात नागरिक आक्रमक झाले आहेत. प्रशासनाच्या कारभारावर नाराजी व्यक्त करत करवाढीचा अतिरिक्त बोजा लादण्याच्या निषेधार्थ आज (2 नोव्हेंबर) पाली नगरपंचायतीवर भव्य संघर्ष मोर्चा काढण्यात येणार आहे.
सुधागड-पाली । यंदा पावसाचे प्रमाण कमी राहिल्याच्या पार्श्वभूमीवर आगामी उन्हाळ्यात पाली शहराला पाणीटंचाईचा सामना करावा लागू नये, यासाठी पाली नगरपंचायतीने आतापासूनच पाणी साठवणूक आणि पाणीपुरवठ्याच्या नियोजनावर भर दिला आहे. आंबा नदीतील उपलब्ध पाणीसाठा अधिक काळ टिकवून ठेवण्यासाठी नदीवर दोन ठिकाणी लघु बंधार्‍यांची उभारणी पूर्ण करण्यात आली आहे.
खोपोली । खालापूर तालुक्यातील भोकरपाडा येथील हिरानंदानी फॉर्च्युन सिटी या उच्चभ्रू सोसायटीत एका महिलेने आपल्या दोन चिमुकल्या मुलांसह आत्महत्या केल्याची हृदयद्रावक घटना सोमवारी (दि. 2 नोव्हेंबर) रात्री आठ वाजण्याच्या सुमारास घडली. या घटनेमुळे खालापूर तालुक्यात हळहळ व्यक्त होत आहे.
उरण | जुन्या वादाचा राग मनात धरून एका तरुणाला रस्त्यात अडवून लोखंडी हत्याराने डोक्यावर वार केल्यानंतर त्याच्या अंगावर पेट्रोल ओतून जाळण्याचा प्रयत्न केल्याची धक्कादायक घटना उरण परिसरात घडली आहे. या गंभीर प्रकरणात उरण पोलिसांनी तपासाची चक्रेवेगाने फिरवत दोघांना अवघ्या २४ तासांत अटक केली.
उरण | नवी मुंबई आंतरराष्ट्रीय विमानतळाला लोकनेते दि.बा. पाटील यांचे नाव देण्यात यावे, या मागणीसाठी भूमिपुत्र पुन्हा एकदा आक्रमक झाले आहेत. शासनाकडून वारंवार आश्वासने देऊनही नामकरणाचा प्रश्न मार्गी लागत नसल्याने आता निर्णायक आंदोलन छेडण्याचा निर्धार प्रकल्पग्रस्तांनी व्यक्त केला आहे.
महाड | मुंबई-गोवा महामार्गावरील महाड तालुक्यातील नांगलवाडी गावच्या हद्दीतील उड्डाणपुलावर दुचाकी आणि कार यांच्यात समोरासमोर जोरदार धडक होऊन दुचाकीस्वाराचा मृत्यू झाला. दानिश इकबाल पालटे (वय ३९, रा. नशेमन कॉलनी, कालकाईकोंड, दापोली, जि. रत्नागिरी) असे मृत दुचाकीस्वाराचे नाव आहे.
पोलादपूर । पोलादपूर शहरात मध्यरात्री संशयास्पदरीत्या फिरणार्‍या पिकअप जीपमधून पोलिसांनी एक बंदूक आणि 10 जिवंत छरा काडतुसे जप्त केली. स्थानिक सामाजिक कार्यकर्तीने दाखवलेल्या सतर्कतेमुळे ही कारवाई करण्यात आली. याप्रकरणी तिघांविरुद्ध भारतीय हत्यार कायदा 1959 च्या कलम 3(1) व 25 नुसार गुन्हा दाखल करण्यात आला आहे.
पोलादपूर | पोलादपूर तालुक्यातील लोहारे-देऊळकोंड येथे जन्मदात्या बापानेच आपल्या २३ वर्षीय मुलाच्या छातीवर चाकूने वार करून त्याचा खून केल्याची धक्कादायक घटना मंगळवारी (२२ सप्टेंबर) घडली. साई सचिन चिकणे असे मृत तरुणाचे नाव आहे. सचिन चिकणे आणि त्यांची पत्नी संध्या यांच्यात वाद झाला.
तळा । तळा नगरपंचायतीस 13 कोटी 81 लाख रुपयांचा निधी पाणीपुरवठा योजनेसाठी देण्यात आला असून शहरातील उर्वरित कामांसाठी आणखी 6 कोटी रुपये देण्यात येतील. तसेच तळेगाव पाणीपुरवठा योजनेसाठी 1 कोटी रुपयांचा निधीही देणार असल्यो उपमुख्यमंत्री एकनाथ शिंदे यांनी जाहीर केले.
तळा | तळा तालुक्यातील महाराष्ट्र राज्य वीज वितरण कंपनीचे जे अधिकारी मुख्यालयी राहत नाहीत, त्यांच्यावर कायदेशीर कारवाई करून त्यांची गोपनीय चौकशी करण्याची मागणी शिवसेनचे शहरप्रमुख राकेश वडके यांनी केली आहे. शासनाच्या आदेशान्वये शासकीय तसेच निमशासकीय अधिकारी व कर्मचार्‍यांना मुख्यालयी राहण्याचे आदेश असतांना तळा तालुक्यातील महावितरणचे अधिकारी हे मुख्यालयी राहत नाही.
पुणे । यंदाच्या दिवाळीच्या सुट्ट्यांचे वेळापत्रक माध्यमिक शिक्षण विभागाने जाहीर केले आहे. त्यानुसार खासगी माध्यमिक आणि उच्च माध्यमिक शाळांना 2 नोव्हेंबर ते 14 नोव्हेंबर 2026 या कालावधीत दिवाळीची सुट्टी असेल. दिवाळीची सुट्टी सोमवार, 2 नोव्हेंबरपासून सुरू होणार आहे.
बीड | धाकटी पंढरी म्हणून ओळख असलेल्या बीडच्या नारायण गडावर आज मनोज जरांगे-पाटील यांचा दसरा मेळावा पार पडला. दसर्‍या मेळाव्यातील या भाषणातून मनोज जरांगे यांनी विविध मुद्द्यांवर भाष्य केले. विशेष म्हणजे मनोज जरांगे यांनी उपमुख्यमंत्री एकनाथ शिंदे यांच्यावर हल्लाबोल केला.
नाशिक | पैशांचा पाऊस पाडण्याचे आमिष दाखवून आणि आजार बरा करण्याच्या नावाखाली नाशिकमधील एका कथित भोंदूबाबाने पनवेल येथील म हिलेला साडेसात लाख रुपयांचा गंडा घातल्याचा प्रकार उघडकीस आला आहे. अघोरी पूजेच्या नावाखाली महिलेला अर्धनग्न अवस्थेत बसवून विधी केल्याचा आरोपही करण्यात आला आहे.
रत्नागिरी | स्थानिक स्वराज संस्थांमधून निवडल्या जाणार्‍या कोकणातील जागेसाठी शेवटच्या दिवसापर्यंत सहा जणांनी नामनिर्देशन पत्रे दाखल केल्याची माहिती निवडणूक निर्णय अधिकारी मनुज जिंदल यांनी दिली. यात महायुतीकडून राष्ट्रवादीचे अनिकेत तटकरे, महाआघाडीकडून बाळ माने तर शेकापकडून अरविंद म्हात्रे यांचा समावेश आहे.
उमाजी म. केळुसकर| रायगड जिल्हा, महाराष्ट्राच्या पश्चिम किनारपट्टीवरील एक निसर्गरम्य आणि ऐतिहासिक भूभाग. पण या सौंदर्याला एक दुसरी, काळिमा फासणारी बाजूही आहे ती म्हणजे दरड कोसळण्याची सततची भीती. पावसाळा जवळ आला की, रायगड जिल्ह्यातील शेकडो गावांवर टांगती तलवार येते.
उमाजी म. केळुसकर| कोकण रेल्वे! अथांग अरबी समुद्राच्या किनार्‍याने, घनदाट सह्याद्रीच्या डोंगररांगातून आणि अगम्य खाड्यांमधून वाट काढत धावणारी ही केवळ एक रेल्वे नाही, तर ती महाराष्ट्राच्या विकासाची, कोकणातील समृद्धीची आणि एका स्वप्नपूर्तीची गाथा आहे.
नवी मुंबई | कर्तव्य बजावत असलेल्या पोलिसाच्या अंगावर भरधाव कार घालून त्यांना तब्बल २०० मीटरपर्यंत फरफटत नेल्याची संतापजनक घटना नवी मुंबईतील कळंबोली परिसरात घडली. या घटनेत पोलीस कॉन्स्टेबल दिलीप भोई गंभीर जखमी झाले असून, त्यांच्यावर सत्यम हॉस्पिटलमध्ये उपचार सुरू आहेत.
मुंबई | मुंबईतील छत्रपती शिवाजी महाराज आंतरराष्ट्रीय विमानतळावरून काही विमानसेवा नवी मुंबई आंतरराष्ट्रीय विमानतळावर स्थलांतरित करण्याच्या मुद्द्यावरून सुरू असलेल्या वादाला आता नवे वळण मिळाले आहे. मुंबई विमानतळावरील एकही आंतरराष्ट्रीय उड्डाण नवी मुंबई विमानतळावर हलवू नये, अशी ठाम भूमिका मुख्यमंत्री देवेंद्र फडणवीस यांनी घेतली आहे.
