माणगाव | गेल्या अनेक दिवसांपासून पावसाने दडी मारल्याने वाढलेल्या उकाड्याने हैराण झालेल्या माणगाव तालुक्याला सोमवारी (१९ ऑक्टोबर) सायंकाळी परतीच्या पावसाने जोरदार तडाखा दिला. सायंकाळी पाचच्या सुमारास विजांच्या कडकडाटासह मुसळधार पाऊस झाल्याने काही काळ जनजीवनावर परिणाम झाला.
कोल्हापूर | कोल्हापूर जिल्हा सहकारी दूध उत्पादक संघाच्या (गोकुळ) निवडणुकीत काँग्रेसचे आमदार सतेज पाटील यांच्या नेतृत्वाखालील राजर्षी शाहू शेतकरी समविचारी आघाडीने २५ पैकी १६ जागा जिंकत बहुमत मिळवले. या निवडणुकीत महायुतीच्या छत्रपती शाहू शेतकरी विकास आघाडीला नऊ जागा मिळाल्या.
महाड | महाड एमआयडीसी पोलीस ठाण्याच्या हद्दीतील बिरवाडी येथे भावकीतील देवकाच्या वादातून झालेल्या मारहाणीत एक जण जखमी झाल्याची घटना समोर आली आहे. याप्रकरणी चार जणांविरोधात महाड एमआयडीसी पोलीस ठाण्यात गुन्हा दाखल करण्यात आला आहे.
पनवेल | दूध व दुग्धजन्य पदार्थांध्ये भेसळ होत असल्याच्या संशयावरून अन्न व औषध प्रशासनाने (एफडीए) तळोज्यातील तीन दूध प्रकल्पांवर कारवाई केली. तपासणीदरम्यान उत्पादन प्रक्रियेतील स्वच्छता आणि दूध साठवणुकीसंदर्भातील नियमांचे उल्लंघन आढळल्याने तिन्ही आस्थापनांचे परवाने निलंबित करण्यात आले.
महाड | महाड औद्योगिक वसाहतीतील इप्का लॅबोरेटरीज कंपनीला १४ ऑक्टोबरच्या म ध्यरात्री कोणतीही पूर्वसूचना न देता अचानक टाळे ठोकण्यात आल्याने कामगारांध्ये संतापाची लाट उसळली आहे. कंपनीच्या स्थलांतराला कामगारांचा विरोध नसून, गेल्या ३० ते ३५ वर्षांपासून प्रामाणिकपणे सेवा बजावणार्‍या आणि निवृत्तीच्या उंबरठ्यावर असलेल्या कामगारांचा संपूर्ण हिशेब करून द्यावा, तसेच स्थलांतरित होणार्‍या कामगारांच्या वेतनात वाढ करावी, अशी मागणी करण्यात येत आहे.
अलिबाग | रायगड जिल्ह्यातील रस्ते, पाणीपुरवठा, आरोग्य, शिक्षण, सिंचन आणि ग्रामीण विकासाला गती देण्यासाठी सन २०२६-२७ या आर्थिक वर्षाकरिता ५९४.६६ कोटी रुपयांचा निधी मंजूर करण्यात आला आहे. यामध्ये सर्वसाधारण जिल्हा वार्षिक योजनेसाठी ५१७ कोटी रुपये, अनुसूचित जाती उपयोजनेसाठी २८ कोटी रुपये आणि आदिवासी उपयोजनेसाठी ४९.६६ कोटी रुपयांची तरतूद करण्यात आली आहे.
सुधागड-पाली । यंदा पावसाचे प्रमाण कमी राहिल्याच्या पार्श्वभूमीवर आगामी उन्हाळ्यात पाली शहराला पाणीटंचाईचा सामना करावा लागू नये, यासाठी पाली नगरपंचायतीने आतापासूनच पाणी साठवणूक आणि पाणीपुरवठ्याच्या नियोजनावर भर दिला आहे. आंबा नदीतील उपलब्ध पाणीसाठा अधिक काळ टिकवून ठेवण्यासाठी नदीवर दोन ठिकाणी लघु बंधार्‍यांची उभारणी पूर्ण करण्यात आली आहे.
श्रीवर्धन । अवैध हातभट्टी दारूच्या व्यवसायाविरुद्ध श्रीवर्धन पोलिसांनी धडक कारवाई करत 55 हजार 500 रुपये किमतीची दारु, बिअरच्या बाटल्या आणि दारू तयार करण्यासाठी वापरण्यात येणारे रसायन जप्त केले. गालसुरे काठी आणि निगडी काठी परिसरात 17 ऑक्टोबर रोजी करण्यात आलेल्या या कारवाईत चार जणांविरुद्ध गुन्हे दाखल करण्यात आले आहेत.
पोलादपूर । पोलादपूर शहरात मध्यरात्री संशयास्पदरीत्या फिरणार्‍या पिकअप जीपमधून पोलिसांनी एक बंदूक आणि 10 जिवंत छरा काडतुसे जप्त केली. स्थानिक सामाजिक कार्यकर्तीने दाखवलेल्या सतर्कतेमुळे ही कारवाई करण्यात आली. याप्रकरणी तिघांविरुद्ध भारतीय हत्यार कायदा 1959 च्या कलम 3(1) व 25 नुसार गुन्हा दाखल करण्यात आला आहे.
अलिबाग | शिक्षकाच्या बदलीच्या प्रकरणात दीड लाख रुपयांची लाच स्वीकारल्याप्रकरणी रायगड जिल्हा परिषद अध्यक्ष मंगेश वाकडीकर यांचे स्वीय सहाय्यक योगेश भस्मे (वय ४६) यांना रायगडच्या लाचलुचपत प्रतिबंधक विभागाने (एसीबी) बुधवारी (२३ सप्टेंबर) रंगेहाथ पकडले.
पनवेल | मुंबईतून कॅबने पनवेलला परतणार्‍या महिलेबरोबर कॅबचालकाने गैरवर्तन केल्याची धक्कादायक घटना घडली. चालकाने कॅब थांबवून चालकाने महिलेचा हात पकडून तिचे कपडे काढण्याचा प्रयत्न केल्याचा आरोप आहे. महिलेने प्रसंगावधान राखत कॅबमधून बाहेर पडून आपली सुटका करून घेतली.
अलिबाग | शामराव पेजे कोकण इतर मागासवर्ग आर्थिक विकास महामंडळामार्फत रायगड जिल्ह्यातील ओबीसी प्रवर्गातील थकबाकी असलेल्या लाभार्थींसाठी महामंडळाने एकरकमी परतावा (ओटीएस) योजना लागू केली आहे.
कोर्लई | राष्ट्रीय रस्ते विकास महामंडळातर्फे साळाव-मुरुड रस्त्याच्या काँक्रिटीकरणाचे काम सुरू आहे. मात्र, नांदगाव येथील नागेेशर नगर ते आयुष हॉस्पिटलदरम्यान साईडपट्टी भराव करताना रस्त्यावर आलेली खडी-माती वाहनचालकांसाठी धोकादायक ठरत आहे.
दिघी | श्रीवर्धन तालुक्यातील सर्वे येथील समुद्रकिनारी असलेल्या शासकीय जमिनींवरील अतिक्रमणे, अवैध बांधकामे आणि अनधिकृत असेसमेंटचा मुद्दा पुन्हा ऐरणीवर आला आहे. बुधवारी (२६ ऑगस्ट) झालेल्या ग्रामसभेत असेसमेंट उतारे देताना आर्थिक देवाणघेवाण झाल्याचा आरोप करण्यात आला आहे.
माणगाव | माणगाव शहरातील वाहतूक कोंडीची समस्या रविवारी, ४ ऑटोबर रोजी पुन्हा गंभीर झाली. मुंबईच्या दिशेने जाणार्‍या मार्गावर माणगाव शहरापासून ढालघर फाट्यापर्यंत सुमारे सात किलोमीटरपर्यंत वाहनांच्या रांगा लागल्याने वाहतूक संथ झाली. रस्त्यावर वाहनांची गर्दी वाढल्याने पादचार्‍यांनाही मार्ग काढताना मोठ्या
रोहा । पावसाच्या अनियमिततेमुळे आणि प्रतिकूल हवामानामुळे शेती संकटात सापडलेली असताना रायगड जिल्ह्यातील बहुतांश तालुक्यांना दुष्काळग्रस्त यादीतून वगळण्यात आल्याने शेतकर्‍यांमध्ये नाराजीचे वातावरण आहे. श्रीवर्धन तालुक्याचा दुष्काळग्रस्त यादीत समावेश करण्यात आला आहे.
रोहा | रोहा तालुक्यातील बारसोली गावाच्या वळणावर टँकर मागे घेत असताना झालेल्या अपघातात एका तरुणाचा मृत्यू झाल्याची घटना रविवारी, ४ ऑक्टोबर रोजी रात्री घडली.
कापोली | आळंदी येथील विनर्स अ‍ॅकॅडमीच्या आठ विद्यार्थ्यांचा १ ऑक्टोबर रोजी दिवेआगर समुद्रकिनारी बुडून झालेल्या दुर्दैवी मृत्यूने संपूर्ण परिसर हेलावून गेला. या निष्पाप विद्यार्थ्यांना दिवेआगर ग्रामपंचायत व ग्रामस्थांच्यावतीने आयोजित श्रद्धांजली सभेत भावपूर्ण श्रद्धांजली वाहण्यात आली.
म्हसळा | म्हसळा तालुक्यात दरवर्षी सरासरी चार ते साडेचार हजार मिलिमीटर पाऊस पडतो. मात्र, यंदाच्या खरीप हंगामात पावसाच्या लहरीपणामुळे शेतकरी मोठ्या संकटात सापडला आहे.
म्हसळा | म्हसळा नगरपंचायतीतील राजकीय घडामोडींना पुन्हा वेग आला असून, शिवसेना शिंदे गटाच्या उपनगराध्यक्षा कमल रविंद्र जाधव यांनी आपल्या पदाचा राजीनामा दिले आहे. नगराध्यक्ष सुनील शेडगे यांच्याकडे राजीनामा सादर केल्याचे समजते.
पेण | पेणच्या सामाजिक आणि व्यापारी इतिहासाशी जोडलेल्या ब्रिटिशकालीन ‘भुंडा पुला’च्या जागी तरणखोप-पेण मार्गावरील भोगावती नदीवर उभारण्यात आलेल्या सुमारे १०० मीटर लांबीच्या आधुनिक पुलाच्या कामाची राज्यस्तरावर दखल घेण्यात आली आहे.
पेण | गणेश चतुर्थीला अवघे काही दिवस उरले आहेत. मूर्ती कारखान्यांमध्ये अंतिम टप्प्यातील कामाला वेग आला आहे. गणेशमूर्तींचे माहेरघर म्हणून देशभरात लौकिक असलेल्या पेणमधून सुमारे ३० लाख गणेशमूर्तींची विक्री झाली असून यातून साधारण १०० कोटी रुपयांच्या उलाढालीचा अंदाज व्यक्त केला जात आहे.
पनवेल | पनवेलकरांच्या सुकर प्रवासासाठी लवकरच आपल्या हक्काची बससेवा सुरु होणार आहे. पनवेल महानगरपालिकेने यासाठी परिवहन प्रकल्पाला मंजूरी दिली आहे. पहिल्या टप्प्यात १६ मार्गांवर १०० ते १३० बस चालविण्याचे नियोजन आहे. भविष्यात मार्गांची संख्या ३० पर्यंत वाढविण्याचे उद्दिष्ट ठेवण्यात आले आहे.
सुधागड-पाली | पाली-खोपोली महामार्गावरील रासळ आणि कानसळ परिसरात मोकाट गुरांचा प्रश्न दिवसेंदिवस गंभीर बनत असून, या गुरांनी महामार्गावर अक्षरशः ठाण मांडल्याचे चित्र पहायला मिळत आहे. रस्त्याच्या मधोमध कळपाने गुरे उभी राहत असल्याने वाहनचालकांना जीव मुठीत धरून वाहने चालवावी लागत आहेत.
कर्जत । कर्जत तालुक्यात प्रस्तावित असलेल्या टोरेंट वीज प्रकल्पाच्या उद्घाटनासाठी पंतप्रधान नरेंद्र मोदी 3 नोव्हेंबर रोजी कर्जतला येणार असल्याचे समजताच नागरिकांनी या दौर्‍याला विरोध दर्शवला आहे. पंतप्रधानांनी उद्घाटनाला येऊ नये आणि हा प्रकल्प रद्द करावा, अशी विनंती कर्जतकरांनी केली आहे.
कर्जत | सप्टेंबरच्या अखेरीस मोठा पाऊस झालेला नसतानाही उल्हास नदीचे पाणी गढूळ आणि लालसर झाल्याने उल्हास नदी बचाव कृती समितीने नदी परिसराची पाहणी करून गाळाच्या स्रोताचा शोध घेण्याची मागणी केली आहे.
खोपोली | डॉक्टरांना मारहाण करून रुग्णालयातील वस्तूंची तोडफोड केल्याची घटना खोपोली शहरातील शास्त्रीनगर येथील सुमित्राराज हॉस्पिटलमध्ये घडली. याप्रकरणी खोपोली पोलीस ठाण्यात आठ ते दहा जणांविरुद्ध गुन्हा दाखल करण्यात आला आहे.
खालापूर | अल्पवयीन मुलीला पैशांचे आमिष दाखवून तंबाखू व खाऊ आणण्यासाठी घरी बोलावल्यानंतर तिच्यावर अत्याचार केल्याची धक्कादायक घटना खालापूर पोलीस ठाणे हद्दीत घडली. या प्रकरणी खालापूर पोलिसांनी एकाला अटक केली आहे. ४ सप्टेंबर रोजी सकाळी ९ वाजल्यापासून १८ सप्टेंबर रोजी सकाळी ९ वाजेपर्यंतच्या कालावधीत ही घटना घडली.
श्रीवर्धन | बेरोजगारी आणि आरोग्यसेवेच्या प्रश्नांकडे प्रशासनाचे लक्ष वेधण्यासाठी १८ गाव आगरी युवा संघाच्या वतीने खारगाव बुद्रुक ते दिघी पोर्टदरम्यान बाईक रॅली काढण्यात आली. स्थानिक भूमिपुत्रांना रोजगाराच्या संधींपासून डावलले जात असल्याचा आरोप करत संघटनेने ‘आम्हाला आमच्या हक्काचा रोजगार द्या, नाहीतर खुर्च्या खाली करा’ असा नारा देत सरकारचे लक्ष वेधले.
उरण | ओएनजीसीच्या न्हावा सप्लाय बेसमधील पाईप व अन्य साहित्य गुजरातमधील पिपावाव येथे हलविले जात असून, ४०० हून अधिक ट्रेलर गुजरातकडे गेल्याचा दावा कामगारांनी केला आहे. त्यातच सप्लाय बेसवर काम करणार्‍या कंत्राटी कामगारांना कमी केल्याने बुधवार (१६ सप्टेंबर) पासून या कंत्राटी कामगारांनी बेमुदत काम बंद आंदोलन सुरू केले
पोलादपूर | पोलादपूर तालुक्यातील लोहारे-देऊळकोंड येथे जन्मदात्या बापानेच आपल्या २३ वर्षीय मुलाच्या छातीवर चाकूने वार करून त्याचा खून केल्याची धक्कादायक घटना मंगळवारी (२२ सप्टेंबर) घडली. साई सचिन चिकणे असे मृत तरुणाचे नाव आहे. सचिन चिकणे आणि त्यांची पत्नी संध्या यांच्यात वाद झाला.
तळा । तळा नगरपंचायतीस 13 कोटी 81 लाख रुपयांचा निधी पाणीपुरवठा योजनेसाठी देण्यात आला असून शहरातील उर्वरित कामांसाठी आणखी 6 कोटी रुपये देण्यात येतील. तसेच तळेगाव पाणीपुरवठा योजनेसाठी 1 कोटी रुपयांचा निधीही देणार असल्यो उपमुख्यमंत्री एकनाथ शिंदे यांनी जाहीर केले.
तळा | तळा तालुक्यातील महाराष्ट्र राज्य वीज वितरण कंपनीचे जे अधिकारी मुख्यालयी राहत नाहीत, त्यांच्यावर कायदेशीर कारवाई करून त्यांची गोपनीय चौकशी करण्याची मागणी शिवसेनचे शहरप्रमुख राकेश वडके यांनी केली आहे. शासनाच्या आदेशान्वये शासकीय तसेच निमशासकीय अधिकारी व कर्मचार्‍यांना मुख्यालयी राहण्याचे आदेश असतांना तळा तालुक्यातील महावितरणचे अधिकारी हे मुख्यालयी राहत नाही.
कोल्हापूर । कागल तालुक्यातील सुळकूड येथे टेरेसवर खेळत असताना उच्चदाबाच्या वीजवाहिनीचा स्पर्श झाल्याने 9 वर्षीय शर्विल सागर महादेव याचा दुर्दैवी मृत्यू झाला. रविवारी सायंकाळी घडलेल्या या हृदयद्रावक घटनेमुळे संपूर्ण परिसरात हळहळ व्यक्त होत आहे.
नवी दिल्ली | सीबीएसईने नववी इयत्तेपासून तीन भाषा धोरण लागू करू नये. "नववी इयत्तेत शिकणे आधीच कठीण आहे, मग त्यात तिसर्‍या भाषेचा समावेश करण्याची काय गरज आहे?” अशी विचारणा सर्वोच्च न्यायालयाने केली.
रत्नागिरी | स्थानिक स्वराज संस्थांमधून निवडल्या जाणार्‍या कोकणातील जागेसाठी शेवटच्या दिवसापर्यंत सहा जणांनी नामनिर्देशन पत्रे दाखल केल्याची माहिती निवडणूक निर्णय अधिकारी मनुज जिंदल यांनी दिली. यात महायुतीकडून राष्ट्रवादीचे अनिकेत तटकरे, महाआघाडीकडून बाळ माने तर शेकापकडून अरविंद म्हात्रे यांचा समावेश आहे.
उमाजी म. केळुसकर| रायगड जिल्हा, महाराष्ट्राच्या पश्चिम किनारपट्टीवरील एक निसर्गरम्य आणि ऐतिहासिक भूभाग. पण या सौंदर्याला एक दुसरी, काळिमा फासणारी बाजूही आहे ती म्हणजे दरड कोसळण्याची सततची भीती. पावसाळा जवळ आला की, रायगड जिल्ह्यातील शेकडो गावांवर टांगती तलवार येते.
उमाजी म. केळुसकर| कोकण रेल्वे! अथांग अरबी समुद्राच्या किनार्‍याने, घनदाट सह्याद्रीच्या डोंगररांगातून आणि अगम्य खाड्यांमधून वाट काढत धावणारी ही केवळ एक रेल्वे नाही, तर ती महाराष्ट्राच्या विकासाची, कोकणातील समृद्धीची आणि एका स्वप्नपूर्तीची गाथा आहे.
मुंबई | मुंबई ते कोकण प्रवास अधिक वेगवान आणि सुलभ करण्याच्या दृष्टीने प्रस्तावित कोकण द्रुतगती महामार्गाच्या कामाला गती देण्याचे नियोजन महाराष्ट्र राज्य रस्ते विकास महामंडळाने (एमएसआरडीसी) केले आहे. सुमारे ३८८ किलोमीटर लांबीच्या या महामार्गाचा सविस्तर प्रकल्प आराखडा (डीपीआर) पुढील तीन महिन्यांत पूर्ण करून राज्य सरकारकडे मान्यतेसाठी पाठविण्याचे नियोजन आहे.
नवी मुंबई | नवी मुंबईत चेन स्नॅचिंग, घरफोडी,जबरी चोरी आणि अंमली पदार्थ तस्करी असे विविध २३ गुन्हे नवी मुंबई गुन्हे शाखेच्या विविध पथकांनी उघडकीस आणले असून याप्रकरणी सहा जणांना ताब्यात घेण्यात आले आहे. त्यांच्याकडून १८ लाख ४२ हजार ३०४ रुपयांचा मुद्देमाल जप्त करण्यात आला आहे.
मुंबई | चार वर्षांची सेवा पूर्ण करून राज्यात परतणार्‍या अग्निवीरांना राज्य शासनाच्या गट-कमधील गणवेशधारी सेवांच्या भरतीमध्ये १० टक्के समांतर आरक्षण देण्यास मंजुरी देण्यात आली. तसेच माजी अग्निवीरांना शासकीय आणि निमशासकीय सेवेत सामावून घेण्यासाठी धोरण निश्चित करण्याचा निर्णयही राज्य मंत्रिमंडळाच्या बैठकीत घेण्यात आला आहे.
